AI成生活軍師　「滲透」人類生活

人工智能（AI）應用愈趨普及，逐漸融入香港人的生活。AI已經成為不同年齡層生活中的「萬能助手」。有年輕的受訪者不論日常穿搭，還是出外吃飯選擇餐廳時也會使用AI，而年長的受訪者則在出行規劃或查詢資訊時使用AI，有受訪者更表示回覆朋友都找AI幫手。有學者指，過度使用AI長遠會削弱思考與社交能力。

由學習工具到生活「助手」 選擇困難交AI決定

對不少年輕人而言，AI早已超出工具範疇，成為生活中不可或缺的助手，就讀大學三年級的Coolby兩年前認識AI，一年前因為同學稱用AI做功課很有效率，從而開始用AI找研究報告完成作業。隨着功課日益繁忙，Coolby漸漸發現AI的用途不止於學業，她表示：「日常生活好多決定我都諗唔到，原來都可以問AI。」

記者與Coolby相處的一天，發現Coolby一日的生活都離不開AI。早上，她會叫AI建議當日的穿搭。在乘車途中，她會問AI有關之後到上海迪士尼的相關資訊。中午午餐吃後，她選擇甜品時也會問AI選哪一款蛋糕，甚至會輸入她喜愛的口味給AI參考，再着AI提供建議。下午玩「扭蛋」時她也會先問AI，叫它「估一下扭出哪一個扭蛋」，看完建議才按制「扭蛋」。短短半天，Coolby由穿搭、餐飲到娛樂，最少找AI查問4次。

「決定唔到蛋糕味道會問，揀唔到衫會問，唔識睇地圖都會叫AI教我點行。」她直言，以往遇到不確定的事會問朋友或家人，但對方並非隨時候命。「AI任何時候都即刻答，朋友不是隨時得。不用自己諗，不用等朋友覆。」她亦認為AI能提供理性分析：「朋友會按自己喜好答，但AI會分析好和壞處，令我更滿意自己選擇。」因此，Coolby由偶爾使用，變成凡事問AI。

Coolby直言：「以前揀衫要花半個鐘，現在話俾AI知有紅色、藍色、白色衫褲，幾分鐘就有搭配建議。以前唔識睇Google Map（地圖），靠直覺亂行，而家AI一步步教我，唔使自己研究。」她坦言，大學三年級後，自己對AI的依賴已達到「離唔開」的程度。「如果冇AI，我好多決定都做唔到，就會變得好麻煩。」

回覆朋友找AI　友人：「你跟我傾還是跟AI傾偈」

Coolby對AI的依賴，身邊好友最為清楚。其友人Alvin受訪時認為Coolby是因為選擇困難，所以才會「事事問AI」，但Alvin並不知道她連回覆訊息都交由AI建議。

當記者告訴他，Coolby曾用AI生成訊息傳給他，是向他道歉和作解釋的短訊時，他翻查訊息後表示：「除咗頭幾個字，成段訊息語氣、用詞跟平時完全唔同，例如佢平時都唔會搭的士同請我食糖水。」Alvin當時已覺得奇怪，得知真相後更感到受騙。他有點氣憤說：「我覺得好似被呃一樣，點解覆我都要用AI？」Alvin直言，當下感到失望與不被尊重，更不禁反問：「你係同我傾偈，定係同AI傾偈？」

Coolby表示有時會因不知怎樣覆訊息，而查問AI提供建議，她說：「如果係表達情感，用AI好唔真誠。如果知道朋友用AI會覺得唔經大腦思考。」

不過Alvin亦理解，Coolby依賴AI並非惡意，而是因為「諗唔到點表達，揀唔到先會用」。兩人相處時，若兩人都無法決定，亦會一起參考AI建議。「AI會列出好多選項，確實幫到手，但我始終會留返自己判斷，比如AI推薦餐廳，我會睇評論。只有兩個都諗唔到先會問，最終都係自己決定，唔會完全跟AI。」他表示AI所提供的建議只能參考，例如有一次希望AI幫他們決定假日好去處，AI推薦了石澳一個地方，後來才發現前往方法較為複雜。

Coolby連溝通也使用AI的情況並非罕見，現年17歲的Ben也遇過朋友使用AI回訊息的情況，對這種行為同樣不認同。他曾收到一個相識十年朋友疑似使用AI生成的道歉訊息，他表示無奈，「用詞、語氣完全唔似佢，內容空泛，當時覺得好失望、好無奈，心諗我係同緊你做朋友，定係同AI做朋友？」因此，Ben堅決不用AI代為回覆訊息：「同人溝通唔係同AI做朋友，一定要有誠意。」

學生用家：AI也會錯 會自己判斷

雖然Ben不會使用AI回覆訊息，但因為注重效率，三年前就開始使用AI，「我讀電腦同美術，寫code（編碼）會叫AI幫手檢查，接稿會問AI收費同流程，節省好多時間。」Ben每星期大約使用兩至三次，他強調：「細決定可以聽AI，大決定一定自己判斷。有時唔知食咩、去邊度玩，問AI可以快啲有方向。用得耐會習慣咗佢嘅方便，有時會少咗自己諗。所以最終都係自己決定，比如AI推薦十間餐廳，我會揀其中最多人去嘅幾間。」他分享：「有時無聊，會叫AI寫2000字描述一個人食飯放低筷子嘅過程，純粹娛樂，但其實有血有肉嘅朋友，始終比AI珍貴。」

使用AI亦並非年輕人專屬，中年群體也會在生活中使用AI。年約五十多歲的黃先生，兩個月前從YouTube影片接觸AI，一試便深受吸引。「以前去馬鞍山泊車，要上網逐個停車場睇價錢，好浪費時間。而家問AI，直接話我知最平場地，同埋後備方案，好方便。」他亦曾透過AI查詢法律資訊：「食飯時候聽隔籬枱啲人講行人路踩單車犯法，自己上法例網站睇，章節又多，字又細，AI直接話我知答案同章節，清晰好多。」黃先生使用僅兩個月，已出現依賴傾向，「而家有咩想知，會即刻想問AI，代替上網慢慢搵。」不過他仍保持警惕：「我信AI三分二，保留三分一，一定會再核實。有時候返工出門，都會問AI幾點出發唔塞車，佢會話我知幾點至幾點塞車，建議我幾點出門，唔會開車之後先再聽電台知道塞車。」但他亦表示：「AI冇可能100%準確，所以開車嘅時候都會照開電台。」

同屬中年群體的Harry主要會使用AI幫忙查看產品技術及其行業資訊。他坦言：「AI最有用係整合大量信息，比如查產品性價比、受歡迎程度，比自己逐個網站搜快好多。對於採購同比較類問題，AI嘅分析好宏觀，係唔錯嘅參考。」但他亦指出局限：「AI對香港本地化問題答得唔準，比如推薦已經執笠嘅餐廳，反而搜尋網站因為數據積累久，精準度更高。」

AI可以幫忙「守秘密」？

除了決策與溝通，AI更因「保密」特質，成為部分年輕人傾訴心事的對象。Ben提到AI就如一個不認識你的陌生人，可幫助守秘密，「其實我覺得AI佢有一個優點，佢完完全全唔識你，係陌生人。佢冇任何我嘅資料，亦都唔知道我現實中任何嘢，所以無論你同佢講乜都好，佢唔會影響到你現實嘅狀況。」他補充：「有啲心底話或者唔好意思講嘅事，真係唔可以問朋友、唔可以同朋友傾，驚朋友覺得奇怪，又驚自己嘅心事被傳出去，反而同AI傾就冇呢個顧慮，佢唔識你，亦唔會講俾第二個人知。」

不同年齡層都會查核AI建議

無論是年輕學生還是中年人，受訪者均表示不會完全信任 AI，會通過不同方式核實資訊，堅持自主判斷。Ben與同齡人相比，雖同樣認可AI的便捷性，但亦多次提到不會讓AI主導決定。「我會用AI查資料或者了解餐廳評價，但唔會用作最終決定或寫訊息，始終覺得自己思考好重要。」Ben以日常選擇為例，即使AI推薦了十間高評分餐廳，他也會根據自己的口味偏好和預算範圍再做篩選：「AI嘅建議只作參考，最終都要自己揀，佢可以畀我多啲方向，但唔可以替我做選擇。」

黃先生與Harry皆表示對AI的使用則重於理性取捨。黃先生多次提到，使用AI是為了得到更多資訊，目的是解決具體生活難題，節省時間成本：「我只係用佢搵資料，比如馬鞍山邊個停車場平，大埔運動場幾時有波睇。」他坦言，自己對AI的功能探索不深，只要能解決眼前問題便足夠，不會主動嘗試更多用途。而Harry則更為謹慎，強調AI的內容「只供參考」：「中年人群生活中好少主動用AI，反而更依賴Google（搜尋網站），對AI答案只信一半，一定會主動驗證先敢相信。」他亦提到，身邊不少同輩對AI的態度相當保守：「好多五十幾歲人，你叫佢用AI，佢寧願唔知都唔試，覺得高科技好難上手，又驚用錯出問題，唔似年輕人咁容易接受新事物。」

不過Harry亦補充，中年族群的抗拒並非絕對，只要有明確實用場景且有人指導，也會逐步接受：「比如我五十幾歲嘅姐姐，之前有朋友叫佢用AI規劃釜山行程，結果AI好詳細咁樣寫明咩時間搭咩車，令到我覺得可以慳返好多搵資料嘅時間，好方便，依家去珠海都會用AI查餐廳同景點。」Harry又表示：「AI信息可能會舊，會錯，所以一定要驗證。」

指導老師：林穎茵